काठमाडौं, १८ भदौ । पछिल्लो २४ घन्टामा नेपालमा कोरोना भाइरसका १ हजार ७ सय ५६ जना संक्रमित थपिएका छन् । योसंगै कुल संक्रमितको संख्या ७ लाख ६७ हजार २ सय ७१ पुगेको स्वास्थ्य तथा जनसंख्या मन्त्रालयले जनाएको छ ।
आज २ हजार २ सय ७४ जना संक्रमणमुक्त भएका छन् । हालसम्म ७ लाख २३ हजार ४ सय ५६ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा १४ हजार ४ सय ३४ जनाको कोरोना परीक्षणमा १३ सय ५७ जना पिसीआर र ३ सय ९९ जनाको एन्टिजेन विधिबाट उक्त संक्रमण पुष्टि भएको हो ।
