काठमाडौँ, २० भदौ । पछिल्लो २४ घन्टामा देशभर १ हजार ८९ जना कोरोना संक्रमित थपिएका छन् । थपिएका संक्रमित मध्ये काठमाडौं उपत्यकामा मात्रै ४ सय ५३ जना थपिएको स्वास्थ्य मन्त्रलायले जनाएको छ ।
२४ घन्टामा काठमाडौँमा २ सय ८८, ललितपुरमा ९८ र भक्तपुरमा ६७ संक्रमित थपिएका हुन् । आज १ हजार ५ सय ३४ जना संक्रमणमुक्त भएसँगै हालसम्म ७ लाख २७ हजार १ सय ८५ जना संक्रमणमुक्त भएका छन् ।
मन्त्रालयको अनुसार पछिल्लो २४ घन्टामा ९ सय ७६ पिसीआर र १ सय १३ जना एन्टिजेन विधीबाट उक्त संक्रमण पुष्टि भएको हो ।
