काठमाडौँ, २२ भदौ । आज देशभर १६ सय ७७ कोरोना संक्रमित थपिएका छन् । थपिएका संक्रमित मध्ये काठमाडौं उपत्यकामा मात्रै ५ सय १९ जना थपिएको स्वास्थ्य मन्त्रलायले जनाएको छ ।
२४ घन्टामा काठमाडौँमा ३ सय ६४, ललितपुरमा ८९ र भक्तपुरमा ६६ संक्रमित थपिएका हुन् । कोरोना संक्रमणबाट आज थप २१ जनाको मृत्यु भएसँगै नेपालमा मृत्यु हुनेको संख्या १० हजार ८ सय ७९ पुगेको मन्त्रालयले जनाएको छ । पछिल्लो २४ घन्टामा नेपालमा कोरोना भाइरसका १ हजार ६ सय ७७ जना संक्रमित थपिएसंगै कुल संक्रमितको संख्या ७ लाख ७२ हजार १ सय २८ पुगेको छ ।
यसैगरी, आज २ हजार ७२ जना संक्रमणमुक्त भएका छन् । हालसम्म ७ लाख ३१ हजार जना संक्रमणमुक्त भएका छन्् । मन्त्रालयको अनुसार आज १४ सय २३ पिसीआर र २ सय ५४ एन्टिजेन बिधिबाट उक्त संक्रमण पुष्टि भएको हो ।
