मकवानपुर, २५ भदौ । जुवातास खेलिरहेको अवस्थामा ६ जना पक्राउ परेका छन् । हेटौंडा उपमहानगरपालिका १५ गौरीटार बस्ने दिपक श्रेष्ठको घरमा जुवातास खेलिरहेको अवस्थामा थाहा नगरपालिका ६ बस्ने २१ वर्षीय डेनी भट्ट लगायत ६ जनालाई बिहीबार राति प्रहरीले पक्राउ गरेको हो ।
उनको घरमा जुवातास खेलिरहेको खबर प्राप्त हुनासाथ जिल्ला प्रहरी कार्यालयबाट खटिएको प्रहरीले उनीहरुलाई नगद १ लाख ३२ हजार ३ सय ९० रुपैयाँ, १५ थान कौडा, ६ बुक तास र जुवा खेल्न प्रयोग गर्ने पाउडर सहित पक्राउ गरेको जनाएको छ ।
यस सम्बन्धमा प्रहरीले थप अनुसन्धान गरिरहेको छ ।
