काठमाडौँ, २९ भदौ । आज देशभर १५ सय ६२ कोरोना संक्रमित थपिएका छन् । थपिएका संक्रमित मध्ये काठमाडौं उपत्यकामा मात्रै ४ सय ४ जना थपिएको स्वास्थ्य मन्त्रालयले जनाएको छ ।
२४ घन्टामा काठमाडौँमा २९४ , ललितपुरमा ६२ र भक्तपुरमा ४८ संक्रमित थपिएका हुन् । आज कोरोना भाइरसका १ हजार ५ सय ६२ जना संक्रमित थपिएसंगै कुल संक्रमितको संख्या ७ लाख ७९ हजार ४ सय ९२ पुगेको छ ।
आज १ हजार ५ सय ८९ जना संक्रमणमुक्त भएका छन् । हालसम्म ७ लाख ४२ हजार ३ सय ७ जना संक्रमणमुक्त भएका छन् । पछिल्लो २४ घन्टामा नेपालमा ११ सय ८० पिसीआर र ३ सय ८२ जनाको एन्टिजेन विधिबाट सुंक्रमण पुष्टि भएको हो ।
