काठमाडौं, ३ असोज । बैंक अफ काठमाण्डू लिमिटेडद्वारा आफ्नो डिजिटल कारोबार विस्तारित गर्नेक्रममा ब्रिटिश कलेज, काठमाण्डौंमा डिजिटल भुक्तानी सेवा संचालनमा ल्याएको छ । ब्रिटिश कलेजमा अध्ययनरत विद्यार्थी तथा अभिभावक महानुभावले मोबाईल बैंकिङ्ग मार्फत यस बैंकको क्यूआर कोडको स्क्यान गरी आफ्नो कलेजको बिल सजिलै भुक्तानी गर्न सक्नेछन् ।
डिजिटल कारोबारलाई प्रोत्साहन गर्ने क्रममा बैंकले डिजिटल कारोबारको लागि रणनितीक महत्व भएका स्थान छनौट गरी क्यूआर कोड सेवा संचालनमा ल्याइरहेको छ । यसै क्रममा बैंकले सम्पूर्ण हिन्दुधर्मावलम्बीको आराध्यदेव भगवान पशुपतिनाथ मन्दिर परिसर, कालिमाटी फलफूल तथा तरकारी बजार बिकास समितिको व्यवस्थापन रहेको माछापोखरीमा अवस्थित तरकारी बजार, पूर्वी नेपाल यातायात, कंकाई माई पाथीभरा यातायात र सुपर जनसेवा यातायात समितिद्वारा सञ्चालित लामो तथा छोटो दुरीको बसहरु, खाद्य स्टोर तथा पसल, होटल तथा रेस्टुरेन्ट, हस्पिटल तथा अन्य महत्वपुर्ण स्थानमा क्यूआर कोड सेवा संचालनमा ल्याइसकेकाले महानुभावले उक्त स्थानमा बैंकको क्यूआर कोड स्क्यान गरी कारोबार गर्न सक्ने छन् ।
हाल बैंकले ९० शाखा कार्यालय, ८१ एटिएम र १० एक्स्टेन्सन काउन्टरबाट बैंकिङ सेवा दिदै आएको छ ।
