काठमाडौँ, ४ असोज । आज देशभर १ हजार ९५ कोरोना संक्रमित थपिएका छन् । थपिएका संक्रमित मध्ये काठमाडौं उपत्यकामा मात्रै ३ सय ९६ जना थपिएको स्वास्थ्य मन्त्रालयले जनाएको छ ।
२४ घन्टामा काठमाडौँमा २९८, ललितपुरमा ३५ र भक्तपुरमा ६३ संक्रमित थपिएका हुन् । कोरोना संक्रमणबाट आज थप ८ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ४८ पुगेको छ ।
त्यस्तै, आज २९ सय ५७ जना संक्रमणमुक्त भएका छन् । आजसम्म ७ लाख ५२ हजार १ सय ७० जना संक्रमणमुक्त भएका छन् ।
