काठमाडौं, ६ असोज। आज नेपालमा कोरोना भाइरसका १ हजार ४ सय ७८ जना संक्रमित थपिएका छन् । योसंगै कुल संक्रमितको संख्या ७ लाख ८७ हजार ८ सय २८ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै, आज १६ सय ३० जना संक्रमणमुक्त भएका छन् । हालसम्म ७ लाख ५५ हजार ६ सय ३० जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा १३ हजार ९ सय ३० जनाको परीक्षण गर्दा पिसीआरबाट १२ सय ५१ र एन्टिजेन विधिबाट २ सय २७ जनामा संक्रमण पुष्टि भएको हो ।
