काठमाडौं, १६ असोज । स्पेनिस ला लिगा फुटबलमा एथ्लेटिक बिल्बाओले डिपोर्टिभो अलाभेसमाथि जित निकालेको छ । शुक्रबार राति भएको खेलमा बिल्बाओले अलाभेसेमाथि १–० को जित निकालेको हो ।
खेलको ९औं मिनेटमा राउल गार्सियाले प्रहार गरेको पेनाल्टीमा अलाभेसेका गोलकिपरले उत्कृष्ट बचाउ गर्दा बिल्बाओ अग्रता लिनबाट चुकेको थियो ।
तर, घरेलु मैदनमा भएको खेलमा ४४औं मिनेटमा गार्सियाले नै निर्णायक गोल गरेका थिए । यस जितसँगै बिल्बाओले आठ खेलमा १३ अंक जोडेको बिल्बाओ छैटौं स्थानमा रहेको छ । अलाभेस ३ अंक जोडेर १९औं स्थानमा रहेको छ ।-Photo: Agency
