काठमाडौं, १७ असोज । कोरोना संक्रमणबाट आज थप ७ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार १ सय ६४ पुगेको स्वास्थ्य मन्त्रालयले जनाएको छ ।
आज १ हजार ४ सय ५ जना संक्रमणमुक्त भएका छन् । हालसम्म ७ लाख ६९ हजार २ सय २४ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा १० हजार ९ सय २० जनामा गरीएको परीक्षणमा ५ सय ७४ जना पिसीआर र एन्टिजेन विधिबाट १०५ जनामा संक्रमण पुष्टि भएको हो ।
