काठमाडौं, असोज १८। काठमाडौं उपत्यकामा १८ वर्षभन्दा माथिका ७२ प्रतिशत जनसङ्ख्याले कोरोनाविरुद्धको खोप लगाइसकेका छन् ।
बागमती प्रदेश स्वास्थ्य मन्त्रालयका सचिव बद्रीबहादुर खड्काले काठमाडौं, भक्तपुर र ललितपुर जिल्लामा गरी ७२ प्रतिशत जनसङ्ख्याले खोप लगाइसकेको जानकारी दिए । काठमाडौं जिल्लामा १८ वर्षमाथिका ७५ प्रतिशत जनसङ्ख्याले कोभिडविरुद्धको पूर्ण खोप लगाएको उनले बताए ।
स्वास्थ्य कार्यालय काठमाडौंका अनुसार कुल १६ लाखभन्दा बढीले काठमाडौंमा खोप लगाएका छन् । पहिलो मात्रा मात्रै लगाउनेको सङ्ख्या ११ लाख ५३ हजार रहेको छ । सचिव खड्काका अनुसार पूर्ण खोप कभरेज दरको हिसाबले काठमाडौं अहिले बागमती प्रदेशकै दोस्रो बढी खोप लगाउने जिल्ला बनेको छ । गोरखापत्र दैनिकबाट
