काठमाडौं, १९ असोज । कोरोना महामारीमा विद्यालय बन्द भएपछि रुखमा डेरा जमाएर बसेका एक विद्यार्थीले ‘पकेट वाईफाई’ पाएका छन् । खोटाङको हलेसी तुवाचुङ नगरपालिका–१० अर्खौले नवलपुर सिम्लेका धनकुमार मगरलार्ई नेपाल टेलिकमले पकेट वाईफाई डिभाइस प्रदान गरेको हो ।
मगर अर्खौंलेको सरस्वती मावि कक्षा १० मा अध्ययनरत छन् । टेलिकमले दिक्तेल रुपाकोट मझुवागढी नगरपालिका–१४ बुईपामा नयाँ टावर राखिदिएको छ । टेलिकमले विद्यार्थीको अध्ययनको लागि सहयोग पुर्याउन पकेट वाईफाई प्रदान गरेको जनाएको छ । आइतबारबाट उनको घरमा इन्टरनेट संचालनमा आएको छ ।
