काठमाडौँ, २१ असोज। नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आज मन्त्रिपरिषद् विस्तार हुन सक्ने बताएका छन्। पचली टिभीको उदघाटन समारोहलाई आज (बिहिबार) सम्बोधन गर्दै प्रचण्डले आज मन्त्रिपरिषद् विस्तार हुन सक्ने बताएका हुन् ।
सम्बोधनको क्रममा उनले उत्पीडित समुदाय, विशेष गरी महिलालाई अगाडि ल्याउन नयाँ प्रयास गरेको समेत बताएका छन् । प्रचण्डले भने– ‘उस्तै परे आज शपथ ग्रहण हुन्छ होला, पूर्णता (मन्त्रिपरिषद्ले) पाउँछ ।’ उनले यही प्रयास अनुसार माओवादी केन्द्रको तर्फबाट मन्त्रिपरिषद्मा ५० प्रतिशत महिलालाई पठाउने निर्णय गरेको बताए ।
