काठमाडौं, २२ असोज । जनता समाजवादी पार्टीले मन्त्री बन्नेहरुको नाम टुंगो लगाएको छ । जसपाका तीन मुख्य नेता बसेर नाम टुंगो लगाएका हुन् ।
जसपा अध्यक्ष उपेन्द्र यादव, संघीय परिषद अध्यक्ष डा. बाबुराम भट्टराई र वरिष्ठ नेता अशोक राईले बैठक बसी नाम छानेका हुन् । मन्त्री बन्नेमा एक महिला र तीन पुरुष छन् ।
बाबुराम भट्टराई र अशोक राईको समूहबाट राजेन्द्र श्रेष्ठ मन्त्री बन्ने भएका छन् । उपेन्द्र यादवको समूहबाट रेणु यादव, रामसहाय यादव र प्रमोद साह छन् ।
रेणु यादव पटक पटक मन्त्री भइसकेकी छिन् । उनले भौतिक पूर्वाधार या कृषिमध्ये एक मन्त्रालय लिने बुझिएको छ ।
जसपाले भौतिक पूर्वाधार, कृषि, सामान्य प्रशासन र वन मन्त्रालय पाएको छ । उसले एकजना राज्यमन्त्री पनि पठाउने भएको छ ।
जसपाबाट मन्त्री बन्नेहरु
राजेन्द्र श्रेष्ठ
रेणु यादव
रामसहाय यादव
प्रमोद साह
