काठमाडौं, २३ असोज । चौंथो संस्करणको एभरेष्ट प्रिमियर लिग (ईपीएल) टी–ट्वान्टी क्रिकेटको उपाधि चितवन टाइगर्सले उचालेको छ । टियू क्रिकेट मैदानमा भएको खेलमा पोखरा राइनोजलाई ४ विकेटले हराउँदै चितवनले उपाधि उचालेको हो ।
जितपछि मेडल लगाउँदै कार्यक्रम प्रस्तोता चारु शर्मासँग कुरा गर्ने क्रममा आफ्ना समर्थकहरुलाई धन्यवाद दिदैँ सोमपालले कालुलाई सम्झिएका थिए । साथै, उनले कुकुरहरुलाई माया गरेर खान दिनसमेत सबैमा आग्रह गरेका छन् ।
कालु टियू क्रिकेट मैदानमा खेलाडीहरुसँग परिचीत छ । मैदानमा खेलाडिहरुले खेल्दा कालुपनि खेल्न आउने गरेको थियो । लामोसमय देखी टियू मैदानको हेरचाँह गर्दै आएका कर्मचारीले पालेको कुकुर (कालु) को केही समय अघि मृत्यु भएको थियो ।
मैदान अगाडीको बाटोमा बाइकको ठक्करबाट घाइते भएको कालुको मैदानमै मृत्यु भएको थियो । नेपाली क्रिकेट टोलीका पूर्व–कप्तान पारस खड्काले समेत कालुको मृत्युको कुरा थाहा पाएपछि दुख व्यक्ति गरेका थिए ।
With a heavy heart,we say goodbye to one of our guardian angels at the TU grounds today as he met with an unfortunate accident. KAALE,We LOVE YOU and we will MISS YOU ..❤️❤️ pic.twitter.com/5qk4R1TJXs
