काठमाडौं, ५ कात्तिक । आईसीसी टी–ट्वान्टी विश्वकप क्रिकेटमा आज (शुक्रबार) दुई खेल हुँदैछन् । युएई र ओमानमा जारी प्रतियोगितामा आज पहिलो खेलमा समूह ‘ए’को आयरल्यान्ड र नामिबिया प्रतिस्पर्धा गर्दैछन् ।
सारजाह क्रिकेट स्टेडियममा हुने खेल दिउँसो ३ः४५ बजेबाट सुरु हुनेछ । समूह ‘ए’ मा रहेको श्रीलंका दुई खेल जित्दै सुपर १२ मा पुगिसकेको छ । एक खेल मात्र जितेका दुबै टोली आजको खेल जित्नैपर्ने दबाब रहेको छ ।
साथै, आजै हुने दोस्रो खेलमा श्रीलंका र नेदरल्यान्ड्स खेल्दैछन् । युएई स्थित सारजाह क्रिकेट स्टेडियममा हुने खेल राति ७ः४५ बजे सुरु हुनेछ ।
नेदरल्यान्ड्स अघिल्ला दुई खेलमा हार ब्यहोर्दै प्रतियोगिताबाट बाहिरिसकेको छ । श्रीलंका ४ अंकसहित समूह ‘ए’को शिर्ष स्थानमा रहेको छ । यस्तै, आयरल्यान्ड र नामिवियाको समान दुई-दुई अंक रहेको छ ।-Photo: Agency
