काठमाडौं, ९ कात्तिक । बैंक अफ काठमाण्डुले आर्थिक वर्ष ०७७-७८ को मुनाफाबाट १४ प्रतिशत लाभांश वितरण प्रस्ताव गरेको छ। बैंकको हिजो बसेको संचालक समितिको बैठकले उक्त लाभांश वितरण गर्ने प्रस्ताव गरेको हो ।
कम्पनीले चुक्तापुँजीको १० प्रतिशत बोनश शेयर र ४ प्रतिशत कर प्रयोजनको लागि नगद लाभांश गरी कुल १४ प्रतिशत लाभांश वितरण गर्ने प्रस्ताव गरेको हो । प्रस्तावित लाभांश नेपाल राष्ट्र बैकले स्वीकृती दिएपछि र बैंकको सभाबाट पारित गरेपछि मात्र शेयरधनीहरुले प्राप्त गर्न सक्नेछन् ।
