काठमाडौं, १५ कार्तिक । सिटिजन्स बैंक इन्टरनेशनले चालु आर्थिक वर्षको पहिलो त्रैमासमा ६८ करोड ७३ लाख रुपैयाँ नाफा गरेको छ । जुन गत वर्षको तुलनामा बढी हो । बैंकले गत वर्षको सोही अवधिमा ५१ करोड ५५ लाख रुपैयाँ नाफा गरेको थियो ।
समीक्षा अवधिमा बैंकसँग २२ करोड ७१ लाख रुपैयाँ वितरणयोग्य नाफा रहेको छ । त्यस्तै, नाफामा सुधार गरेको बैंकको प्रतिसेयर आम्दानी (ईपीएस) भने घटेर २२.६९ रुपैयाँबाट २१.८६ रुपैयाँमा झरेको छ । बैंकले १ खर्ब ४४ अर्ब रुपैयाँ निक्षेप संकलन गरी कुल १ खर्ब २८ अर्ब रुपैयाँ कर्जा लगानी गरेको छ ।
यो अवधिमा बैंकको खुद व्याज आम्दानी बढेर १ अर्ब २० करोड रुपैयाँ पुगेको छ । जुन गत वर्ष ८३ करोड ९१ लाख रुपैयाँ मात्रै थियो ।
