काठमाडौँ, १७ कात्तिक । आज देशभर ४ सय ४७ कोरोना संक्रमित थपिएका छन् । थपिएका संक्रमित मध्ये काठमाडौं उपत्यकामा मात्रै १ सय ७५ जना थपिएको स्वास्थ्य मन्त्रलायले जनाएको छ ।
२४ घन्टामा काठमाडौँमा १३१ , ललितपुरमा २७ र भक्तपुरमा १७ संक्रमित थपिएका हुन् । आज नेपालमा कोरोना भाइरसका ४ सय ४७ जना संक्रमित थपिएका छन् । योसंगै कुल संक्रमितको संख्या ८ लाख १३ हजार ८ सय २८ पुगेको छ ।
आज ४ सय ३९ जना संक्रमणमुक्त भएका छन् । हालसम्म ७ लाख ९३ हजार २ सय ७१ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा पिसीआर विधिबाट ३ सय ९५ र एन्टिजेन विधिबाट ५२ जनामा संक्रमण पुष्टि भएको हो ।
