काठमाडौं, २८ कात्तिक । नेपाली राष्ट्रिय महिला क्रिकेट टोली कतार प्रस्थान गरेको छ ।
टी–ट्वान्टी क्रिकेट सिरिजको तयारीको लागि नेपाली टोली आज कतार प्रस्थान गरेको हो ।
आईसीसी महिला टी–ट्वान्टी विश्वकपको एसियाली छनोटको तयारीमा रहेको नेपाली महिला टोलीले कतारसँग टी–ट्वान्टी सिरिज खेल्ने छन् ।
नेपाली टिम कतारबाटै नोभेम्बर १९ मा दुबई प्रस्थान गर्ने छन् ।
नेपाली टिम दुई दिन अघि मात्र बंगलादेशमा तयारी सकेर स्वदेश फर्किएको थियो ।
विश्वकप छनोट नोभेम्बर २२ देखि २८ सम्म दुबईमा आयोजना हुँदैछ ।
