काठमाडौं, २ मंसिर । सत्तारुढ दल नेपाली कांग्रेसको केन्द्रीय निर्वाचन समितिको बैठक आज बस्ने भएको छ । बैठक बिहीबार दिउँसो १ बजे पार्टी केन्द्रीय कार्यालय सानेपामा बस्ने भएको हो ।
आजको बैठकमा विभिन्न स्थानबाट परेका उजुरी र निर्वाचन हुन नसकेको ठाउँमा समन्वय गर्ने लगायतका विषयमा छलफल हुने बुझिएको छ । आगामी मंसिर २४ गतेदेखि २६ गतेसम्म कांगे्रसको १४औं महाधिवेशन हुँदैछ ।
धेरै जिल्लामा वडा र पालिका अधिवेशन सकिएपनि केहीमा अझै विवाद कायमै रहेको छ ।
