काठमाडौं, मङ्सिर ७ । मौसम पूर्वानुमान महाशाखाका अनुसार हाल देशका पहाडी भू-भागहरूमा आंशिक बदली रही बाँकी भू-भागको मौसम सामान्यतया सफा रहेको छ । हाल नेपालमा कुनै उल्लेखनीय मौसमी प्रणाली उल्लेख नरहेका कारण वायुको अधिकतम र न्यूनतम तापक्रम घट्ने क्रमले चिसो बढ्न थालेको छ ।
आज देशको पहाडी भू-भागगमा आंशिक बदली र बाँकी भू-भागगमा मौसम सामान्यतया सफा रहने छ। आज देशका प्रदेश १, बागमती प्रदेश र गण्डकी प्रदेशका भू-भागमा आंशिक देखि सामान्य बदली र अन्य प्रदेशका पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहने महाशाखाले जनाएको छ ।
त्यस्तै, आज रातीसम्म प्रदेश १, बागमती प्रदेश र गण्डकी प्रदेशका पहाडी भू-भागमा आंशिक देखि सामान्य बदली र बाँकी भू-भागमा मौसम सामान्यतया सफा रहने छ। उच्च हिमाली भेगमा हिमपातको सम्भावना रहेकोसमेत महाशाखाले उल्लेख गरेको छ ।
