एजेन्सी, १३ मंसिर । रामानन्द सागरको चर्चित सिरियल ‘रामायण’मा सीताको भुमिका निभाउने अभिनेत्री दीपिका चिखलियाले सीताको रोललाई अमर बनाएकी छिन् ।
सुरु देखिनै सामाजिक सञ्जालमा निकै सक्रिय दीपिकाले भर्खरै मात्र आफ्नो विवाहको वार्षिकउत्सव समेत मनाएकी छिन् । वार्षिकउत्सवको अवसरमा उनले पति हेमन्त टोपीवालसँगका केही रोमान्टिक तस्बिरहरु शेयर गरेकी छिन् । उनका तस्बिर अहिले तिव्र रुपमा सामाजिक सञ्जालमा भाइरल भईरहेको छ । उनका तस्बिरलाई फ्यानहरुले मन पराएका छन् ।
दीपिका चिखलियाले २२ नोभेम्बर १९९१ मा हेमन्तसँग विवाह गरेकी हुन् । विवाहको वार्षिकउत्सवको मौका पारेर दीपिकाले इन्स्टाग्राममा आफ्ना तस्बिर सार्वजनिक गरेकी हुन् । तस्बिरमा दीपिका आफ्नोपतिसँग धेरै रोमान्टिक भएको देख्न सकिन्छ ।
