एजेन्सी, १४ मंसिर । तालिबानले शासन गरेको अफगानिस्तानमा बेरोजगारीको कारण उच्चदरमा आर्थिक संकट बढीरहेको छ । त्यहाँका नागरिकहरुले धेरै मुस्किलसँग जीवन गुजारा गरिरहेका छन् । टोलो न्युजको अनुुसार तालिबान अधिकारीहरुले देशमा भएका व्यक्तिहरुको आर्थिक र मानविय संकट कम गर्न अन्तराष्ट्र्रिय समुदायसँग आह्वान गरेका छन् ।
इस्लामित अमीरातको प्रवक्ताको अनुसार तालिबानले अन्तराष्ट्र्रिय समुदाय मध्येमा सबैभन्दा पहिलो पटक अमेरिकासँग आह्वान गरेको हो । अमेरिकाले पनि अफगान सरकार र नागरिकहरुको सम्पक्ति फिर्ता गर्न चाहेको छ ।
यो भन्दा पहिला पनि संयुक्त राष्ट्रसंघले एक रिपोर्ट तयार गरेको थियो । रिपोर्टमा अफगानिस्तानमा २ करोड २० लाख भन्दा धेरै मानिसहरु भोकै बस्न बाध्य भएको उल्लेख गरिएको थियो ।
अफगानिस्तानका निवासीहरुले आफ्नो मुलभुत आवश्यकताको पुर्ति गर्न असर्मथ भईरहेको बताएका छन् । ५ सदस्यको परिवारमा एकजनाले कमाएकोले बिरामी हुँदा सिटामोल किन्न पनि नपुगेको त्यहाँका नागरिकहरु बताउछन् । उनीहरुलाई आफ्ना साना बालबच्चाको हेरविचार गर्न पनि गाह्रो भएको छ ।
