काठमाडौं, १६ मंसिर। आज नेपालमा कोरोना भाइरसका ३ सय १५ जना संक्रमित थपिएका छन् । योसंगै कुल संक्रमितको संख्या ८ लाख २१ हजार ९ सय ५९ पुगेको स्वास्थ्य तथा जनसंख्या मन्त्रालयले जनाएको छ ।
त्यस्तै, आज २ सय १ जना संक्रमणमुक्त भएका छन् । हालसम्म ८ लाख ३ हजार ३ सय ९६ जना संक्रमणमुक्त भएका छन् । मन्त्रालयको अनुसार पछिल्लो २४ घन्टामा पिसीआर विधिबाट २ सय ९८ र एन्टिजेन विधिबाट १७ जनामा संक्रमण पुष्टि भएको हो ।
पछिल्लो २४ घन्टामा ११ हजार ४ सय ३ जनाको कोरोना परीक्षण गरिएको मन्त्रालयले जनाएको छ ।
