काठमाडौं, २४ मंसिर । नेपाल कम्युनिष्ट पार्टी (एमाले)ले दशौं राष्ट्रिय महाधिवेशनबाट निर्वाचित केन्द्रीय पदाधिकारीहरु, सदस्यहरुलाई बधाई तथा सम्मान गरेको छ । एमालेले शुक्रबार प्रज्ञा भवन कमलादीमा आयोजित कार्यक्रममा दशौं राष्ट्रिय महाधिवेशनबाट निर्वाचित केन्द्रीय पदाधिकारीहरु, सदस्यहरु र आयोगका पदाधिकारीहरुलाई बधाई दिँदै सम्मान गरेको हो ।
कार्यक्रमको आयोजना नेकपा एमाले बाग्मती प्रदेश संगठन कमिटीले गरेको हो । उक्त सम्मान कार्यक्रममा अध्यक्ष केपी शर्मा ओली, नेताहरु इश्र्वर पोखरेल र अष्टलक्ष्मी शाक्य, रघुविर महासेठ, बिष्णु रिमाल, टोप बहादुर रायमाझी, सुवास नेम्वाङ, प्रदीप ज्ञवाली, राम बहादुर थापा ‘बादल’, विष्णु पौडेललगायत नेताहरुको उपस्थिति थियो ।
तस्बिरः मुकुन्द कालिकोटे/रिपोर्टर्स नेपाल डटकम
