उआगाडोउगु, २५ मङ्सिर; बुर्किना फासोका राष्ट्रपति रोच मार्क क्रिस्चियन काबोरेले शुक्रबार साँझ जारी गरेको आदेश अनुसार लासिना जेर्बोलाई देशको नयाँ प्रधानमन्त्रीमा चयन गरेका छन् ।
राष्ट्रपति काबोरेले हस्ताक्षर गरेको आदेश अनुसार “लासिना जेर्बोलाई प्रधानमन्त्री नियुक्त गरिएको छ।” जेर्बो कम्प्रिहेन्सिभ न्यूक्लियर-टेस्ट-ब्यान ट्रीटी अर्गनाइजेसनका कार्यकारी सचिव थिए र यसअघि संगठनको इन्टरनेशनल डाटा सेन्टरका निर्देशकका रूपमा काम गरिसकेका छन् ।उनले बुधबार बर्खास्त गरिएका क्रिस्टोफ जोसेफ मारी डाबिरेको स्थान लिने छन् ।-Photo: Agency
