काठमाडौं, २६ मंसिर । इङ्लिस प्रिमियर लिग फुटबलमा म्यानचेस्टर युनाईटेडले नर्विच सिटीमाथि कठिन जित निकालेको छ ।
शनिबार राति भएको खेलमा युनाईटेडले सिटीलाई १–० ले हराएको हो ।
युनाईटेडको जितमा क्रिस्टियानो रोनाल्डोले विजयी गोल गरे ।
खेलको ७५ औं मिनेटमा युनाईटेडले पेनाल्टीको मौका पायो । जसलाई क्रिस्टियानो रोनाल्डोले सदुपयोग गर्दै टोलीलाई अग्रता दिलाए ।
१६ खेल खेलेको युनाईटेड २७ अंक जोड्दै पाँचौ स्थानमा उक्लिएको छ ।
यस्तै, नर्विच १० अंकका साथ तालिकाको पुछारमा रहेको छ ।
