काठमाडौं, २७ मंसिर । नेपाली कांग्रेसको १४औं महाधिवेशनबाट नयाँ नेतृत्व चयनका लागि सोमबार मतदान जारी छ । तोकिएको समय भन्दा साढे ३ घन्टा पछि सुरु भएको मतदानमा अहिलेसम्म ६ सय प्रतिनिधिले मतदान गरेका छन् । २ बजेसम्म ६ सय मत खसेको हो ।
देशभरबाट आएका ४ हजार ७ सय ४३ जना प्रतिनिधिले मतदान गर्नेछन् । पदाधिकारीसहित १ सय ४३ पदका लागि निर्वाचन मतदान हुन लागेको हो । अहिलेसम्म सभापतिका ४ जना उम्मेदवारहरुले मतदान गरिसकेका छन् ।
