एजेन्सी, ८ पौष । गुरुका लागि चेला वा चेलीसँगको सम्बन्ध पवित्र हुन्छ । सम्बन्धमा श्रद्धा र सम्मानका अलावा अनुशासन हुन्छ । तर, एकजना प्रख्यात अमेरिकी कलाकारले आफ्नै चेलीहरुसँग यौनसम्बन्धहरु राखेको खुलेको छ ।
कलाकार जेम्स फ्रान्कोले चेलीहरुसँग यौन सम्बन्ध राखेको स्वीकारेका छन् । उनले आफ्नो अभिनय विद्यालयमा आउने कतिपय चेलीहरुसँग यौन सम्बन्ध राखेको स्वीकारेका हुन् ।
४३ वर्षीय कलाकार फ्रान्कोमाथि चेलीहरुमाथि यौन दुव्र्यवहार गरेको आरोप लागेको थियो । उनले त्यसलाई अस्वीकार गर्दै आएकामा द जेस काग्ले पोडकास्टसँगको कुराकानीमा चेलीहरुसँग सुतेको र त्यो गलत भएको बताएका हुन् । तर, यौन प्रस्ताव राख्नकै लागि अभिनय स्कुल सुरु नगरेको बताए ।
फ्रान्को प्रख्यात कलाकार हुन् । उनले अभिनय गरेको चलचित्र ओस्कारको मनोनयनमा समेत परेको छ ।
