काँग्रेस प्रदेश २ मा देउवा पक्षका कृष्ण यादव विजयी, निधिलाई धक्का

काठमाडौं, ९ पौष । नेपाली काँग्रेस प्रदेश २ को सभापतिमा कृष्ण यादव विजयी भएका छन् । उनले रामसरोज यादवलाई पराजित गरेका हुन् ।

कृष्ण यादवले ९ सय ९६ मत ल्याउँदा रामसरोजले ८ सय ५५ मत ल्याए । कुल खसेको १८८१ मध्ये २८ मत बदर भएको छ ।

विमलेन्द्र निधि पक्षका रामसरोजलाई डा. शेखर कोइराला समूहको पनि साथ थियो । उनको पराजयलाई प्रदेश २ मा निधिलाई धक्का परेको विश्लेषण भएको छ ।