काठमाडौं, ९ पुस । सहिद स्मारक ‘ए’ डिभिजन लिग फुटबलमा एपीएफ क्लब र न्युरोड टिमबीचको रोमान्चक खेल बराबरीमा रोकीएको छ ।
त्रिपुरेश्वरस्थित दशरथ रंगशालामा भएको खेलमा एपीएफ र एनआरटीले ३–३ गोलको बराबरी खेलेको हुन् ।
खेलको ३२औं मिनेटमा दर्शन गुरुङले गोल गर्दै एनआरटीलाई सुरुआती अग्रता दिलाए ।
तर, खेलको ३७औं मिनेटमा आशिष लामाले गोल गर्दै एपीएफलाई १–१ गोलको बराबरीमा फर्काए ।
खेलको ४८औं मिनेटमा दर्शनले व्यक्तिगत दोस्रो गोल गर्दै एनआरटीलाई २–१ को अग्रता दिलाए ।
६०औं मिनेटमा मेसुकेले गोल गर्दा एनआरटीले ३–१को अग्रता बनायो ।
खेलको ६५औं मिनेटमा एपीएफका दिपेश धिमालले गोल गर्दै खेल ३–२ को स्थितिमा ल्याएका थिए ।
साथै, ६९औं मिनेटमा नविन लामाले गोल गर्दै खेललाई ३–३ को बराबरीमा ल्याएका थिए ।
यस बराबरीसँगै एपीएफले ६ खेलमा ५ अंक जोडेको छ भने एनआरटीले ७ अंक जोडेको छ ।
