काठमाडौं, १० पुस । प्रधानमन्त्री कप राष्ट्रिय महिला क्रिकेट प्रतियोगितामा प्रदेश नम्बर १ फाइनलमा प्रवेश गरेको छ ।
धनगढी स्थित फाप्ला क्रिकेट मैदानमा आज (शनिबार) भएको पहिलो सेमिफाइनलमा सुदूरपश्चिम प्रदेशलाई ९ विकेटले हराउँदै प्रदेश १ सेमिफाइनलमा पुगेको हो ।
सुदूरपश्चिमले दिएको ८६ रनको लक्ष्य प्रदेश १ ले १६ ओभर ५ बलमा मात्र १ विकेट गुमाएर पूरा गर्यो ।
प्रदेश १ का लागि कप्तान रुबिना क्षेत्रीले अविजित रहदै ३१ रन जोडिन भने काजल श्रेष्ठले २८ रनको बनाइन् ।
साथै, अप्सरी बेगम ९ रनमा अविजित रहिन ।
सुदूरपश्चिमकी कविता जोशीले १ विकेट लिईन ।
पहिले ब्याटिङ गरेको सुदूरपश्चिमले २० ओभरमा ७ विकेट गुमाएर ८५ रन जोडेको थियो ।
सुदूरपश्चिमका लागि सम्झना खड्काले सर्वाधिक २७ रन जोड्दा कप्तान ऋतु कनौजियाले २५ रन जोडिन् ।
प्रदेश १ का लागि संगीता राई, ज्योति दनुवार, अलिशा खडिया र रुबिना क्षेत्रीले समान १÷१ विकेट हात पारे ।
