काठमाडौं, ११ पुस । एसियन सिनियर सेन्ट्रल जोन पुरुष तथा महिला भलिबल च्यालेन्ज कपमा नेपाली महिला टोली फाइनलमा प्रवेश गरेको छ ।
बंगलादेशको ढाकामा आइतबार भएको खेलमा उज्वेकिस्तानलाई ३–० को सोझो सेटमा हराउँदै नेपाल फाइनलमा पुगेको हो ।
साविक विजेता समेत रहेको नेपालले उज्वेकिस्तानमाथि २५–२०,२५–२३ र २५–१४ को जित निकाल्यो ।
नेपालले आफ्नो अपराजित यात्रा कायम राख्दै ४ खेलमा ११ अंक जोड्दै शीर्ष स्थानमा समेत उक्लिएको छ ।
यस्तै, उज्वेकिस्तानको ९ अंक रहेको छ ।
नेपालले अन्तिम खेलमा सोमबार किर्गिस्तानसँग खेल्नेछ ।
