एजेन्सी, १२ पुस। १४ वर्षीया छोरीलाई कोरोना पोजेटिभ देखिएपछि इजरायलका प्रधानमन्त्री नेफ्ताली बेनेटले आफ्नो साप्ताहिक क्याबिनेट बैठकबाट बाहिरिएर सेल्फ क्वारेन्टाइनमा बसेका छन् । प्रधानमन्त्री बेनेटकी छोरीलाई कोरोना संक्रमण देखिएपछि उनी क्वारेन्टाइनमा बसेको अन्तराष्ट्रिय संचारमाध्यमहरुमा समाचार छ । छोरीले कोरोना भाइरसको पूर्ण डोज लगाइसकेकी थिइन् ।
इजराइल प्रधानमन्त्री कार्यलयको भनाईलाई उदृत गर्दै सञ्चारमाध्यम टाइम्स अफ इजराइलले लेखेको छ,‘बेनेटकी छोरीलाई संक्रमण देखिएपछि उनी पनि क्वारेन्टाइनमा बस्ने छन् ।’ छोरी संक्रमित भएपछि इरजाइली प्रधानमन्त्री बेनेट क्वारेन्टाईनमा बसेका हुन् । बेनेटको कोरोना परिक्षण गर्दा कोरोना नेगेटिभ देखिएको थियो । छोरी बाहेक सम्पूर्ण परिवारका सदस्यहरु सुरक्षीत रहेको जनाइएको छ । इजराइलमा ओमिक्रोनको समेत त्रास बढ्दै गएको छ । त्यहाँ समेत उच्च सतर्कता अपनाइएको छ ।-Photo: Agency
