काठमाडौं, १३ पुस । बिबिसी मास्टरसेफ प्रोफेसनल्सको ‘रिम्याच’को उपाधि नेपाली सेफ सन्तोष साहले हात पारेका छन् । बिबिसी वानमा प्रसारण भएको फाइनलमा तीनजनालाई पछि पार्दै साह विजेता भएका हुन् ।
२०२० का फाइनलिस्ट सन्तोषसँगै फिली आर्मिटेज म्याटिन, बार्ट भ्यान डेर ली र २०१७ का फाइनलिस्ट जेमी पार्क प्रतिस्पर्धामा थिए ।
सिराहाका सन्तोषले १८ विभिन्न नेपाली ‘भेगन’ खाना प्रस्तुत गरेका थिए । उनले दोस्रो चरणमा ‘फेस्टिभ फिस्ट’ मा उनले मौलिक परिकार कुखुराको तिते, बिरिा, तिलौरी, सात किसिमको तरुवा भात, गोलभेडाको चटनी, कटर पोलेको मालपुवा, बुनिया जस्ता विभिन्न नेपाली परिकार बनाएका थिए ।
