काठमाडौँ, १८ पुस। सर्लाहीमा मोटरसाइकल अनियन्त्रित भइ दुर्घटना हुँदा तीन जनाको मृत्यु भएको छ। गएराति ईश्वरपुर–३ बयलवास भक्तिपुर सडक खण्डस्थित सागरनाथ जङ्गलमा मोटरसाइकल आफै अनियन्त्रित भइ दुर्घटना भएको प्रहरीले जनाएको हो ।
सागरनाथबाट बयलवासतर्फ जाँदै गरेको बा १९ प ७१९७ नम्बरको मोटरसाइकल अनियन्त्रित भएर सपेताको रुखमा ठोक्किँदा बाटोभन्दा १० मिटर तल लडी दुर्घटना भएको जिल्ला प्रहरी कार्यालय सर्लाहीले जानकारी दिएको छ ।
दुर्घटनामा परेर मोटरसाइकलमा सवार ईश्वरपुर–१० दशबिगहाका २२ वर्षीय अरुण सिंह, २० वर्षीय श्रगम बिक र २२ वर्षीय रोहन सिंहको मृत्यु भएको प्रवक्ता बुढाथोकीले बताए। दुर्घटनामा मृत्यु भएका तीनै जनाको शव जिल्ला अस्पताल मलंगवामा रहेको सर्लाही प्रहरीले जनाएको छ।-File Photo
