एजेन्सी, १९ पुस । नयाँ वर्षको अवसरमा बलिउडका स्व. अभिनेता सुशान्त सिंह राजपूतको फेसबुक अकाउन्टबाट एउटा सन्देश आयो । नोटिफिकेसनमा सुशान्तको नाम देखेर फ्यानको मुटुको धड्कन रोकियो । सबैले सोचे सुशान्त होलान् भन्ने । तर वास्तविकता अर्कै थियो । यो सन्देश सुशान्तकी बहिनी श्वेता सिंह कीर्तिले लेखेकी थिइन् । उनी स्वर्गीय अभिनेता तथा आफ्नो दाजुको खाताको प्रयोग गर्दैथिइन् । पोस्टमा लेखिएको छ– सबैलाई नयाँ वर्षको शुभकामना, सबैको मनोकामना पूरा होस् ।
पोस्ट हेरेर केही फ्यान निकै खुसी भएका छन् भने कोही निराश र दुःखी बनेका छन् । एक प्रयोगकर्ताले लेखेका छन्, ‘हे भगवान, म यो देखेर पुरै छक्क परें।’ अर्को प्रयोगकर्ताले कमेन्ट गरेका छन्, ‘हे भगवान, मेरो मुटुको धड्कन बन्द भयो।’
एक प्रयोगकर्ताले लेखेका छन्, ‘सुशान्त फर्किएको एक सेकेन्ड लाग्यो । अहिलेसम्म के भयो सपना जस्तो लाग्छ तर…तिमीलाई सधैं सम्झिनेछु।’
सुशान्त सिंह राजपुत १४ जुन २०२० मा आफ्नो फ्ल्याटमा मृत फेला परेका थिए । त्यसपछि धेरै एजेन्सीहरूले उनको मृत्युको अनुसन्धानको बारेमा अनुसन्धान जारी राखे। तर अहिलेसम्म कोही पनि निष्कर्षमा पुगेका छैनन् । सुशान्तको अन्तिम फिल्म दिल बेचारा थियो, जुन उनको मृत्युपछि ओटीटीमा रिलिज भएको थियो। सुशान्तका फ्यानहरूले उनलाई न्यायको लागि दिनहुँ सामाजिक सञ्जालमा ट्रेन्डिङ गरिरहेका छन्। उनको मृत्यु प्रकरणमा सीबीआईले क्लोजर रिपोर्ट जारी गर्न प्रशंसकहरूको माग छ।
