काठमाडौं, १९ पुस । नेपाली कथानक चलचित्र ‘बुलबुल’ले ३ वटा अवार्ड हात पारेको छ । चलचित्रले इन्ड्युस भ्याली इन्टरनेशनल फिल्म फेष्टिभलबाट बेस्ट एक्टर फिमेल, बेस्ट एक्टर मेल र बेष्ट डिरेक्टरतर्फ बुलबुलले अवार्ड हात पारेको हो ।
भर्चुअल माध्यमबाट भएको फेष्टिभलमा बुलबुलले महत्त्वपूर्ण अवार्ड हात पारेको हो । फिल्ममा फिमेलतर्फ मुख्य भूमिकामा स्वस्तिमा खड्का र पुरुषतर्फ मुख्य भूमिकामा मुकुन भुसाल रहेका छन् ।
बिनोद पौडेलले निर्देशन गरेको चलचित्रले हालसम्म धेरै अवार्ड प्राप्त गरिसकेको छ । निर्देशक पौडेल अहिले अमेरिकामा बसेर चलचित्र ‘रबरसिटी’ निर्माणको तयारीमा छन् ।
