एजेन्सी, २० पुस। भारतको नयाँ दिल्लीका मुख्यमन्त्री अरविन्द केजरीवाललाई कोरोना संक्रमण भएको छ । उनले ट्वीटमार्फत कोरोना संक्रमण भएको जानकारी दिएका हुन् ।
केजरीवालले ट्वीटरमा लेखेका छन्, ‘मेरो कोभिड परिक्षण नतिजा पोजेटिभ आएको छ । हल्का लक्षणहरु छन् । मैले आफूलाई घरमा आइसोलेट गरेको छु । जो व्यक्ति पछिल्ला केही दिनमा मेरो सम्पर्कमा आउनु भएको थियो उहाँहरुलाई म आइसोलेशनमा बसेर कोभिड परिक्षण गर्न अनुरोध गर्दछु।’
भारतमा पछिल्ला दिन कोरोना संक्रमण ह्वात्तै बढेको छ । पछिल्लो चौबिस घण्टामा भारतमा थप ३७ हजार ३७९ जनामा कोरोना संक्रमण भएको पाइएको छ । उक्त समयमा दिल्लीमा ४ हजार ९९ जना कोरोनाका नयाँ संक्रमित थपिएका छन् ।-Photo: Agency
I have tested positive for Covid. Mild symptoms. Have isolated myself at home. Those who came in touch wid me in last few days, kindly isolate urself and get urself tested
