एजेन्सी, २० पुस। भारतको उत्तर प्रदेशको सुल्तानपुरमा प्रधानमन्त्री नरेन्द्र मोदीलाई कालो झण्डा देखाउने एक महिलामाथि गोली प्रहार भएको छ । भारतीय कांग्रेस आईकी नेतृ रीता यादवलाई कालो झण्डा देखाएको भन्दै अज्ञात समूहले गोली प्रहर गरेको हो ।
घाइते यादवले भनिन्, ‘म पोस्टर, ब्यानर बनाउन सुल्तानपुर गएको थिएँ । त्यहाँबाट फर्किदै गर्दा राजमार्गमा तीन जनाले ओभर टेक गरी मेरो बोलेरोलाई रोके अनि गोली हान्दै मार्ने धम्की दिएका थिए। मेरो ड्राइभरको कन्चटमा पेस्तोल राखेका थिए । मैले प्रतिकार गरेपछि उनहरुले गोली चलाएका थिए । गोली मेरो खुट्टामा लागेको छ ।’ अज्ञान समूहले सोमबार उनीमाथि गोली प्रहार गरेको थियो । गोली उनका खुट्टामा लागेको थियो । घाइते अवस्थमा उनलाई अस्पताल भर्ना गरिएको थियो । अहिले उनको उपचार भइरहेको छ ।
भारतीय प्रधानमन्त्री नरेन्द्र मोदीलाई उनले गत नोभेम्बर १६ का दिन एक कार्यक्रममा कालो झण्डा देखाएकी थिइन् । त्यसपछि उनलाई प्रहरीले पक्राउ गरी मुद्दा चलाएको थियो । उनी धरौटीमा रिहा भएकी थिइन् । उनी गत डिसेम्बर १७ मा समाजवादी पार्टीबाट कंग्रेसमा प्रवेश गरेकी थिइन् ।-Photo Source: UP Congress/twitter
प्रधानमंत्री को काला झंडा दिखाने वाली कांग्रेस नेता रीता यादव को सुल्तानपुर में गोली मार दी गई।
उसी क्षेत्र में गुंडाराज की केंद्रीय संरक्षक बनकर @smritiirani जी बता रही हैं कि उन्हें एक महिला को गोली मारे जाने से नहीं, जंगलराज से नहीं, महिलाओं के सशक्तिकरण से बड़ी परेशानी है। pic.twitter.com/XyAF7TG6BR
