काठमाडौं, २२ पुस । सहिद स्मारक ‘ए’ डिभिजन लिग फुटबलमा खेलाडीहरुले मैदानमा मोबाइल ल्याउन नपाउने भएका छन् ।
अखिल नेपाल फुटबल संघ (एन्फा) ले जारी लिगमा खेलाडी र अफिसियललाई मैदानमा मोबाइल ल्याउन प्रतिबन्ध लगाएको हो ।
एन्फाले मुख्य प्रशिक्षक र टिम म्यानेजरबाहेक अन्य अफिसियल र खेलाडीलाई खेल स्थलमा मोबाइल ल्याउन प्रतिबन्ध लगाएको जनाएको छ ।
जारी लिगको आठौं चरणका खेलबाट उक्त नियम लागु हुनेछ ।
आठौं चरणका खेल भोली (शुक्रबार)बाट हुनेछन् ।
