भक्तपुर, २३ पुस। चाँगुनारायण नगरपालिका-४ चाँगु नेचापौवाबाट १२ ग्राम अवैध लागूऔषध पोल्यान्ड सहित २ जनालाई बिहीबार दिउँसो प्रहरीले पक्राउ गरेको छ ।
पक्राउ पर्नेहरुमा मध्यपुर ठिमी नगरपालिका-४ नयाँठिमी बस्ने २९ वर्षीय रोजन श्रेष्ठ र सोही ठाउँ बस्ने २९ वर्षीय संजय श्रेष्ठ रहेका छन् । भक्तपुरबाट त्रिशुलडाँडातर्फ जाँदै गरेको प्रदेश नम्बर ३ -०२-००१ प ६६७६ नम्बरको मोटरसाइकललाई प्रहरी चौकी चाँगुबाट खटिएको प्रहरीले जाँच गर्ने क्रममा उक्त पोल्यान्ड सहित फेला पारी मोटरसाइकल चालक रोजन र मोटरसाइकलमा सवार संजयलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।-File photo
