काठमाडौं, २४ पुस । जर्मन बुन्डेसलिगा फुटबलमा बायर्न म्युनिख बोरुसिया मन्छेनग्लाडबाखसँग पराजित भएको छ ।
शुक्रबार राति भएको खेलमा बायर्नलाई बोरुसिया मन्छेनग्लाडबाखले २–१ गोल अन्तरले पराजित गरेको हो ।
घरेलु मैदानमा भएको खेलमा १८औं मिनेटमा रोबर्ट लेवान्डोस्कीले गोल गर्दै बायर्नलाई सुरुवाति अग्रता दिलाएका थिए ।
तर, खेलको २७औं मिनेटमा फ्लोरियन न्यूहाउसले गोल गर्दै मन्छेनग्लाडबाखलाई १–१ गोलको बराबरीमा फर्काए ।
यस्तै, खेलको ३१औं मिनेटमा स्टेफान लाइनरले गोल गर्दै मन्छेनग्लाडबाखलाई २–१ को जित दिलाए ।
यस हार पछिपनि बायर्न १८ खेलमा ४३ अंक जोड्दै शीर्ष स्थानमा यथावत रहेको छ भने मन्छेनग्लाडबाख ११ औं स्थानमा छ ।
