काठमाडौं, २५ पुस । सहिद स्मारक ‘ए’ डिभिजन लिग फुटबलमा आज (आइतबार) एक खेल हुँदैछ ।
आठौं चरणको खेल अन्तरगत आज थ्री स्टार र हिमालयन शेर्पा क्लबबीच प्रतिस्पर्धा हुनेछ । त्रिपुरेश्वरस्थित दशरथ रंगशालामा हुने खेल ४ः४५ बजे सुरु हुनेछ ।
थ्री स्टार आज जित निकाल्दै शीर्ष पाँचमा उक्लन चाहन्छ भने पाचौं स्थानमा रहेको हिमालयन शेर्पा संकटा र आर्मीलाई भेटाउन चाहन्छ ।
थ्री स्टार ७ खेलमा १० अंक जोडेर छैटौं स्थानमा रहेको छ ।
यस्तै, शेर्पा ७ खेलमा ११ अंक जोडेर पाँचौं स्थानमा रहेको छ । तस्विरः एन्फा
