एजेन्सी, २५ पौष । ब्राजिलको तालमा एक्कासी भीरको ठूलो चट्टान नै खस्यो । ताल भ्रमणमा गएकाहरु डुंगामा थिए । दुईवटा डुंगामाथि चट्टान खसेर डुबाइदियो ।
घटनामा ७ जनाको मृत्यु भयो । ३ जना वेपत्ता भए । उनीहरुको खोजी भइरहेको छ ।
चट्टान खस्न लागेपछि डुंगाहरु दौडाइए । तर, एउटा डुंगा नराम्रोसँग डुब्यो । अर्कोको केही भागमा पनि क्षति पुग्यो ।
घटनामा ३२ जना घाइते भएको जनाइएको छ । शनिबारको घटना मिनास गेराइस राज्यमा भएको हो । त्यहाँ निकै सुन्दर ताल छ ।
