विद्यालय बन्द गर्नेबारे आज निर्णय हुँदै

काठमाडौं, पुस २६ । विद्यालय बन्द गर्ने कोभिड–१९ सङ्कट व्यवस्थापन समन्वय केन्द्र (सीसीएमसीसी) को सिफारिसबारे आज छलफल हुँदैछ । शिक्षा मन्त्रालयले सीसीएमसीसीले गरेको छलफलबारे थप निर्णय गर्न बैठक बोलाएको हो ।

कोरोना सङ्क्रमण बढ्दै गएपछि सीसीएमसीसीले आइतबार जाडो बिदाको रुपमा माघ १५ गतेसम्म विद्यालय बन्द गर्न सिफारिस गरेको थियो । यसबारे आज थप निर्णय हुन लागेको हो ।