विराटनगर, २७ पुस । मोरङमा एक वृद्धको हत्या गरेको आरोपमा अर्का वृद्ध पक्राउ परेका छन् । मोरङको लेटाङमा ६० वर्षीय प्रेमबहादुर बुढाथोकीको हत्या गरेको आरोपमा ८१ वर्षीय डम्बरबहादुर भुजेललाई प्रहरीले पक्राउ गरेको छ ।
घटना लेटाङ नगरपालिका–२, फँडानीमा घटना भएको हो । पाहुना आएका बुढाथोकीको हत्या गरेको आरोपमा भुजेललाई पक्राउ गरेको मोरङ प्रहरीले जनाएको छ ।
प्रहरीको अनुसार भुजेलको आँगनमा बुढाथोकीको शव भेटिएको र टाउकोमा चोट देखिएको छ । सोमबार बेलुका बुढाथोकी र भुजेलले सँगै बसेर मदिरा सेवन गरेको स्थानियले बताएका छन् ।
