एजेन्सी, २७ पौष । कोरोना भाइरसको संक्रमण फैलिएपछि चीनको अनयाङमा ५० लाख मानिसलाई घरबाट निस्कन निषेध गरिएको छ । नयाँ लकडाउन ओमिक्रन प्रजातिको भाइरस फैलन नदिन गरिएको जनाइएको छ ।
यसअघि १ करोड ३० लाख बासिन्दा भएको चीनको सियान शहरमा लकडाउन गरिएको थियो । चीनका विभिन्न शहरमा लकडाउन गरिएको छ ।
चीनले कोरोना भाइरस फैलन नदिन कडा नीति लिदै आएको छ । यसमा उसले सफलता समेत हासिल गरेको छ । तर, फेरि संक्रमण फैलिन थालेको छ ।
