काठमाडौं, ४ माघ । मधेस प्रदेशले भोलि पनि सार्वजनिक बिदा दिने भएको छ । दुइतिहाई बढी मतले स्थायी राजधानी जनकपुरधाम र प्रदेशको नाम मधेस प्रदेश कायम भएकोले आज बिदा दिएको हो । भोलि मंगलबार (५ माघ)मा बलिदानी दिवस भएकोले प्रदेशभर सार्वजनिक बिदा दिन लागेको प्रदेशले जनाएको छ ।
मधेस आन्दोलनमा शहादत प्राप्त गरेका सहिदको सम्झनामा पहिलोपटक सिरहाको लहानमा, दोस्रोपटक पर्साको वीरगञ्जमा र तेस्रोपटक धनुषाको जनकपुरधाममा बलिदानी दिवस मनाएको मधेस सरकारले यसपटक भने सप्तरीको सदरमुकाम राजविराजमा मनाउने भएको हो । साथै सहिद परिवारलाई सरकारले जनही ३ लाखका दरले आर्थिक सहायता उपलब्ध गराउने पनि जनाएको छ ।
